උපාධිධාරී තරුණයාට අත්වුනු අවාසනාවන්ත ඉරණම
“විශ්වාසදායක තොරතුරු වලට අනුව, චමිත්, අඛණ්ඩව දින කිහිපයක් Stock Count සඳහා අනුයුක්ත කර තිබුණි. දින කිහිපයක් තිස්සේ අඛන්ඩව මැදියම් රැය වෙනතුරු Stock Counts සිදුකළද සේවාදායකයා හෝ ශ්රී ලංකාවේ විගණන සමාගම විසින් නිසි ආහාර වේලක්වත් ඔහුට ලබා දී නොමැත.
ඊයේ රාත්රියේද, තවත් ප්රමාද වී මැදියම් රැයේ Stock Count කිරීම සම්පූර්ණ කිරීමෙන් පසු, චමිත් සේවාදායකයාගේ පරිශ්රයෙන් වෙහෙසට පත්ව, ක්ලාන්ත ගතියක් සහිතව සහ කුසගින්නෙන් පෙළෙමින්, තම බයිසිකලයෙන් නැවත ඔහුගේ නේවාසික ස්ථානය වෙත ගොස් තිබුණි. අතරමගදී, ඔහුට පාලනය අහිමි වී බිත්තියක හැපී තිබුනේය.
මෙය නොවැළැක්විය හැකි දෙයක් නොවීය. Uber හෝ PickMe වැනි නිසි ප්රවාහන සේවාවක් රාත්රී වැඩ සඳහා සලසා තිබුනේ නම් සහ ආහාර සහ විවේකය වැනි මූලික අවශ්යතා ප්රමුඛතාවය දී තිබුනේ නම්, මෙම ඛේදවාචකය වළක්වා ගත හැකිව තිබුණි.
ජනාධිපතිතුමනි මේ අහිමිවන්නේ රටේ අනාගතයයි. විගණන ආයතන නියාමනය කිරීම සදහා පිහිටවා ඇති CA Sri Lanka ආයතනය තවත් බලා සිටින්නේ තවත් මෙවන් ඛේදවාචකයක් වන තුරුද ?
ඉතාමත් අවම වැටුපකට ශ්රමය සූරා කන්න විගණන ආයතනවල හවුල්කාර අයිතිකරුවන්ට ඉඩ දී මුනිවත රකින්නේ තමන්ගේ සේවකයන්ගේ මූලික අවශ්යතාවයන් ගැනවත් සැලකිලිමත් නොවී ලාභම අරමුණු කරගෙන සිටින නිසාද?
CA Sri Lanka විසින් අනිවාර්ය කර ඇති පුහුණුව නොවේනම් කිසිවකු සොච්චම් පඩියකට මෙවන් තැන්වල අත්දැකීම් ලබාගැනීමේ අරමුණින් පමණක් වැඩ කරන්නේද නැත.
ශ්රී ලංකාවේ හා විදේශයන්වල ඉතා විශාල වරලත් ගණකාධිකාරිවරු පිරිසක් ඇත.එමෙන්ම කියාගත නොහැකි පීඩනයකින් සිටින සිසුන් වීශාල ප්රමාණයක්ද ඇත. තමාට සිදු නෝවුවක් ලෙස නිහඩව ඔවුන්ගේ බලා සිටීම ඉතා කණගාටුදායකය.
උපුටාගැනීම: තිත්ත උනත් ඇත්ත සමාජජාලා පිටුව
