අධිවේගී මාර්ගයේ මෝටර් රථයක් ගිනි ගනී

දක්ෂිණ අධිවේගී මාර්ගයේ වැලි පැන්න සහ කුරුඳුගහ හැතැප්ම අතර කිලෝමීටර් 66 දශම 6 ප්‍රදේශයේදී අද (1) සවස පිරිසක් ගමන් ගත් මෝටර් රථයක් හදිසියේ ගිනි ගැනීමට ලක් වූ බව දක්ෂිණ අධිවේගී රථවාහන පොලිසිය කියයි.

ගාල්ල දෙස සිට කොළඹ දෙසට ධාවනය වූ මෝටර් රථය හදිසියේ ගිනිගැනීමට ලක්වීී ඇත.

ගින්න ඇති වූ වහාම එම ස්ථානයට පැමිණි අධිවේගී මාර්ග කුරුඳුගහ හැතැක්ම ගිනි නිවීමේ ඒකකය මගින් ගින්න සම්පූර්ණයෙන්ම වැඩ පවත්වා නිවා දැමීමට කටයුතු කළ අතර ඒ වන විටත් මෝටර් රථයේ අඩකට ආසන්න ප්‍රමාණයක් සම්පූර්ණයෙන්ම දැවි ගොස් ඇතැයි පොලිසිය කියයි.

මෝටර් රථයේ පිටුපස පෙදෙසේ  ඇතිවූ කාර්මික දෝෂයක් හේතුවෙන් ගින්න ඇතිවන්නට ඇතැයි පොලිසිය සැක කරයි. අධිවේගී මාර්ග කුරුඳු ගහ හැතැප්ම පොලිසිය පරීක්ෂණ පවත්වයි

බණ්ඩාරගම බිමල් ශ්‍යාමන් ජයසිංහ

උපුටාගැනීම: අද වෙබ්පිටුව