යූකේ පෝර්න් සයිට් එකට වීඩියෝ අප්ලෝඩ් කළ රාජගිරියේ යුවළ මාට්ටු
අද කාලයේ හොඳින් විදෙස් මුදල් ආදායම් ලබාගත හැකි ව්‍යාපාරයක් ලෙස අසභ්‍ය වීඩියෝ නිපදවා විදේශිකයන්ට විකිණිම මතුව තිබේ. මෙම කටයුත්තෙහි කලාත්මකව යෙදුණ ‘පහන් තුඩාව’ යුවළ මීට කාලයකට පෙර අත්අඩංගුවට පත්විය. යාපනයේ විද්‍යා දැරිය දූෂණය කරේ ඒ ආකාරයේ හිංසන වීඩියෝ අධික මිලට අලෙවි කළ හැකිවීම නිසාය.
මෙය දැන් සමාජ ගැටලුවක් නිර්මාණය කරමින් පවතී. බිරිය හා සැමියා එක්ව මූණු නොපෙනෙන ලෙස මෙවැනි වීඩියෝ කර මුදල් ඉපැයීම වරදක්ද? මේ ආකාරයේ වීඩියෝ නිර්මාණය ලංකාවේ නීතියට මුළුමණින්ම පටහැණිය. (ලිපියේ අග එම විස්තරය ඇත)
එංගලන්තයේ ක්‍රියාත්මක වන වැඩිහිටියන්ට පමණක් සීමා වූ වෙබ් අඩවියක් වෙත අසභ්‍ය වීඩියෝ දර්ශන විශාල ප්‍රමාණයක් මුදාහළ බව කියන වෘත්තිකයන් යුවළක් නුගේගොඩ කොට්ඨාස ළමා හා කාන්තා කාර්යාංශය මගින් අත්අඩංගුවට ගෙන තිබේ. මෙලෙස අත්අඩංගුවට පත්ව ඇත්තේ රාජගිරිය ප්‍රදේශයේ පදිංචි, පෞද්ගලික විශ්වවිද්‍යාලයක පරිගණක ඉංජිනේරුවරයෙකු ලෙස සේවය කරන තිස් හත් හැවිරිදි සැමියා සහ පෞද්ගලික විශ්වවිද්‍යාලයකම මනෝ විද්‍යා උපදේශකවරියක ලෙස කටයුතු කරන තිස් හය හැවිරිදි ඔහුගේ බිරිඳයි.
මොවුන් දෙපළ විසින් විවිධ අවස්ථාවලදී පටිගත කරන ලද ඔවුන්ගේ ලිංගික ක්‍රියාකාරකම් ඇතුළත් වීඩියෝ දර්ශන 334ක් පමණ අදාළ වෙබ් අඩවිය වෙත උඩුගත කර ඇති බව පොලිස් පරීක්ෂණවලදී අනාවරණය වී ඇත. මෙම වීඩියෝ දර්ශන වෙනුවෙන් අදාළ වෙබ් අඩවිය පවත්වාගෙන යන ආයතනය විසින් මෙම යුවළ වෙත සැලකිය යුතු විදෙස් මුදල් ප්‍රමාණයක් ගෙවා ඇති බවට ද තොරතුරු ලැබී ඇති බව පොලිස් ආරංචි මාර්ග සඳහන් කරයි.
නුගේගොඩ කොට්ඨාස භාර ජ්‍යෙෂ්ඨ පොලිස් අධිකාරී මංගල දෙහිදෙනිය මහතාට ලද තොරතුරක් මත ක්‍රියාත්මක වූ පොලිස් කණ්ඩායමක් විසින් පසුගිය 8 වැනිදා මෙම වැටලීම සිදුකර ඇත. සැකකරුවන්ගේ නිවස පරීක්ෂා කිරීමේදී මෙම ජාවාරම සඳහා යොදාගත් බවට සැක කෙරෙන ලැප්ටොප් පරිගණකයක්, එහි උපාංග සහ ජංගම දුරකථනයක් ඇතුළු උපකරණ රැසක් පොලිස් භාරයට ගෙන තිබේ.
ශ්‍රී ලංකාවේ නීතියට අනුව අසභ්‍ය වීඩියෝ දර්ශන නිෂ්පාදනය සහ බෙදා හැරීම නීති විරෝධී ක්‍රියාවක් වන නමුත්, ඒවා නැරඹීම නීතියෙන් වරදක් ලෙස නොසැලකේ. ‘අසභ්‍ය ප්‍රකාශන ආඥා පනත’ (Obscene Publications Ordinance) මගින් අසභ්‍ය ද්‍රව්‍ය නිෂ්පාදනය, (ඇතැම් අරමුණු සඳහා) ළඟ තබා ගැනීම සහ බෙදා හැරීම අපරාධමය වරදක් බවට පත් කර ඇත.
වාණිජමය අරමුණු සඳහා හෝ ප්‍රසිද්ධියේ බෙදා හැරීම උදෙසා අසභ්‍ය දර්ශන වීඩියෝ ගත කිරීම තහනම් වන අතර, ඊට සම්බන්ධ පුද්ගලයින්ට නීතිමය දඬුවම් විඳීමට සිදුවේ. හුදෙක් මෙවැනි දර්ශන නැරඹීම නීතියට පටහැනි නොවුණත්, බෙදා හැරීමකින් තොරව ඒවා ළඟ තබා ගැනීම නීතිය අර්ථ නිරූපණය කරන ආකාරය අනුව ගැටලුවක් විය හැකිය. කෙසේ වෙතත්, මූලික වශයෙන් නීති විරෝධී ක්‍රියාව ලෙස සැලකෙන්නේ ඒවා නිෂ්පාදනය සහ ප්‍රචාරණයයි.
gossip lanka news
