රටම හඩවමින් අවසන් ගමන් ගියපු බිරිද සහ සැමියා

වැලි­මඩ, බෝග­හ­කු­ඹුර ප්‍රදේ­ශ­යට පෙරේදා (17) ඇද හැළුණු අධික වර්ෂා­වත් සමඟ කන්දේ­පු­හු­ල්පොළ ඔයේ ජල පහ­රට හසු­වී­මෙන් විශේෂ කාර්ය බළ­කායේ සැර­ය­න්ව­ර­යකු හා ඔහුගේ බිරිය දියේ ගසා­ගෙන ගොස් ඇතැයි පොලී­සිය පැව­සීය.

එලෙස ගසා­ගෙන ගොස් ඇත්තේ දික්වත්ත, වංගි­ය­කු­ඹුර, කන්දේ­පු­හු­ල්පොළ ලිපි­නයේ පදිං­චිව සිටි ගෝන­හේන විශේෂ කාර්ය බළකා කඳ­වුරේ රාජ­කාරි කළ 37 හැවි­රිදි ඩී.එම්. අචින්ත ලක්මාල් මධු­ෂංක නැමැති සැර­යන් හා ඔහුගේ බිරිය වන එච්.එම්. නාලිනි (33) නැමැති අය බව බෝග­හ­කු­ඹුර පොලී­සිය පව­සයි. සැඩ පහ­රට හසුව පෙරේදා (17) පස්ව­රුවේ පොලිස් සැර­යන් හා ඔහුගේ බිරිය ගසා­ගෙන ගිය අතර සිද්ධිය වූ ස්ථානයේ සිට කිලෝ­මී­ටර් පහක් පමණ පහළ පිහිටි බොර­ලන්ද, වංගි­ය­කු­ඹුර, කුඩු­ගලේ පාලම අසල තිබී පෙරේදා (17) සවස කාන්තා­වගේ සිරුර හමු­විය.

බිරිය සමඟ බෝග­හ­කු­ඹුර, කන්දේ­පු­හු­ල්පොළ ඔයෙන් එගො­ඩ­වී­මට යෑමේදී එහි සැඩ පහ­රට හසුව ගසා­ගෙන ගොස් පෙරේදා (17) පස්ව­රුවේ අතු­රු­දන් වූ පොලිස් විශේෂ කාර්ය බළ­කායේ සැර­යන්ගේ මළ සිරුර, සිද්ධිය වූ ස්ථානයේ සිට කිලෝ­මී­ටර් 15ක් පමණ පහළ පිහිටි බොර­ලන්ද, කට්ට­කන්ද ප්‍රදේ­ශයේ ඔය ඉවු­රට ගොඩ­ගසා තිබි­යදී ඊයේ (18) දහ­වල් ගොඩ­ගත් බව බෝග­හ­කු­ඹුර පොලී­සිය පව­සයි. ගල්වල හැපීම හේතු­වෙන් සැර­යන්ගේ හිසට හා සිරුරේ සෙසු කොට­ස්ව­ලට හානි සිදුවී තිබුණි. සිද්ධි­යට මුහුණු දුන් සැර­යන් හා බිරිය ඔයෙන් මෙපිට පිහිටි තම කුඹුරු ඉඩමේ වැඩ නිම­කර සවස සිය නිවෙස බලා යෑමට කන්දේ­පු­හු­ල්පොළ ඔයෙන් එගොඩ වීමට යෑමේදී මේ අවා­ස­නා­වන්ත සිද්ධි­යට මුහුණ පා තිබේ. බෝග­හ­කු­ඹුර පොලී­සිය වැඩි­දුර පරී­ක්ෂණ පව­ත්වයි.

මිය­ගිය තැනැ­ත්ති­යගේ දේහය බොර­ලන්ද රෝහලේ මෘත ශරී­රා­ගා­රයේ තැන්පත් කර ඇත.

බදුල්ල සමූහ

නිශාන්ත අබේ­ගු­ණ­ව­ර්ධන,

මීග­හ­කි­වුල සමූහ

එන්. නව­රත්න,

හාලි­ඇළ සමූහ

ආර්.එම්. විජේ­රත්න,

සී. ගමගේ

සොර­ණා­තොට සමූහ,

මීග­හ­කි­වුල සමූහ එන්. නව­රත්න