අතිශය තීරණාත්මකම පැය 48 තත්වය බරපතලයි
මේ අපි හැමෝම ගත කරන්නේ අතිශය තීරණාත්මකම පැය 48 වෙන්න පුළුවන්. 
තත්වය බරපතලයි මිත්‍රවරුනි…
මේ වනවිට අඩුපීඩන කලාපය පීඩන අවපාතයක් දක්වා වර්ධනය වෙලා මඩකලපුවට කිලෝමීටර් 210 ක් ගිනිකොණින් කේන්ද්‍රගත වෙලා තියෙන්නේ. එය බොහෝ දුරට ඉදිරි පැය 12 දී වයඹ දෙසට ගමන් කරමින් ගැඹුරු පීඩන අවපාතයක් වෙන්න පුළුවන්. රටේ බොහෝ ස්ථානවලට වැසි හෝ ගිගුරුම් සහිත වැසි අද දවස පුරාවටම තියේවි. වර්ෂාපතනය මිලිමීටර් 200 ක මට්ටමට පවා ඇතැම් ප්‍රදේශවල වාර්තා වෙන්න පුළුවන්. පැයට කිලෝමීටර් 60-70 ක වේගයෙන් හමන සුළං ලොකු බලපෑමක් ඇති කරාවි. මධ්‍යම කඳුකරය ආශ්‍රිත බොහොමයක් ප්‍රදේශවලට නාය යෑම් රතු නිවේදන නිකුත් කරලයි තියෙන්නේ. අත්‍යවශ්‍ය වැඩක් නැත්තන් පුළුවන් තරම් ගෙදරට වෙලා ඉන්න.ආපදා තත්වයක් ප්‍රකාශ කරලා දවස් දෙක තුනක් නිවාඩු දුන්නත් කමක් නෑ මිනිස්සුන්ට මේ වෙලාවේ.
ලැබෙන සියලු තොරතුරු ඔබත් එක්ක බෙදාගන්නම්.අපි හැමෝම පුළුවන් විදියට මේ දැනුවත් කිරීමේ වැඩේට එකතු වෙමු.
ඔයාලගේ ප්‍රදේශවල තත්වයත් කමෙන්ට් කරන් යන්න.හැමෝම පරිස්සමින් ඉන්න. 
– විකුම් හර්ෂණ –
