ඡන්දෙ දාන්න නිවාඩු දෙන්නේ මෙහෙමයි – මැතිවරණ කොමිසමෙන් දැනුම්දීමක්.
මැතිවරණයේදී සිය ඡන්දය ප්‍රකාශ කිරීමට හැකිවන පරිදි සියලු පෞද්ගලික සහ රාජ්‍ය බැංකු සහ මූල්‍ය සේවකයින්ටද නිවාඩු ලබාදෙන්නැයි, මැතිවරණ කොමිෂන් සභාව දැනුම් දෙයි.
එම කොමිසම නිවේදනය කළේ, සාමාන්‍ය නිවාඩු අඩු කිරීමකින් හෝ වැටුප් කප්පාදුවකින් තොරව නිවාඩු ලබා දිය යුතු බවයි.
මේ අනුව
සේවා ස්ථානයේ සිට ඡන්ද මධ්‍යස්ථානයට දුර කිලෝමීටර් 40 හෝ ඊ‌ට අඩු නම් දින බාගයක්ද,
සේවා ස්ථානයේ සිට ඡන්ද මධ්‍යස්ථානයට දුර කිලෝමීටර් 40 ත් 100 ත් අතර නම් දින එකක්ද,
සේවා ස්ථානයේ සිට ඡන්ද මධ්‍යස්ථානයට දුර කිලෝමීටර් 100 ත් 150 ත් අතර නම් දින එක හමාරක්ද,
කිලෝමීටර් 150 ට වැඩි නම්, දින 2ක් ද නිවාඩු ලබාදිය යුතු ය.
නමුත් ඡන්දය ප්‍රකාශ කිරීමට යෑමට හා ඒමට එම කාලය ප්‍රමාණවත් නොවන අවස්ථාවන්වලදී දින 3ක කාලයක් ලබා දිය යුතු ය.
